ਉਹ ਆਖਿਰ ਲਾ ਕੇ ਛੱਡ ਜਾਂਦੇ
ਜੋ ਬਹੁਤਾ ਪਿਆਰ ਦਿਖਾਉਂਦੇ ਨੇ ।
ਅੱਖ ਫੇਰ ਕੇ ਪਿੱਛੇ ਮੁੜਦੇ ਨਾ
ਅੱਖਾਂ ਦੇ ਤਾਰੇ ਕਹਾਉਂਦੇ ਨੇ ।
ਉਹ ਆਖਿਰ ਨੂੰ ਹੋ ਅੱਡ ਜਾਂਦੇ
ਜੋ ਬਹੁਤਾ ਮੋਹ ਜਤਾਉਂਦੇ ਨੇ ।
ਅੱਜ ਹੋਰ ਤੇ ਕਲ੍ਹ ਨੂੰ ਹੋਰ ਹੁੰਦੇ
ਇੱਥੋਂ ਤੋੜ ਕੇ ਉੱਥੇ ਲਾਉਂਦੇ ਨੇ ।
ਉਹ ਆਖਿਰ ਪਿੱਛੇ ਹਟ ਜਾਂਦੇ
ਜੋ ਕਾਹਲੀ ਕਦਮ ਵਧਾਉਂਦੇ ਨੇ ।
ਜਦ ਪਵੇ ਮੁਸੀਬਤ ਖਿਸਕ ਜਾਂਦੇ
ਬਸੰਤ ਰੁੱਤ ਦੇ ਬੇਲੀ ਕਹਾਉਂਦੇ ਨੇ ।
ਉਹ ਆਖਿਰ ਜੜ ਹੀ ਵੱਢ ਜਾਂਦੇ
ਜੋ ਗੱਲ ਨਾਲ ਬਾਗ ਉਗਾਉਂਦੇ ਨੇ ।
ਵਪਾਰੀ ਆਪ ਹੀ ਝੂਠ ਫਰੇਬਾਂ ਦੇ
ਧੋਖਾ ਦਿੰਦੇ ਤੇ ਅੱਖਾਂ ਦਿਖਾਉਂਦੇ ਨੇ ।
ਉਹ ਆਖਿਰ ਜੱਗ ਨੇ ਛੱਡ ਜਾਂਦੇ
ਨਾਲ ਪਾਵੇ ਜੋ ਕਾਲ ਬਨ੍ਹਾਉਂਦੇ ਨੇ ।