ਅੱਖ ਮੇਰੀ ਭਰੀ ਭਰਾਈ ਰਹਿਣ ਦੇ
ਰਿਸ਼ਤੇ ਦੀ ਆਪਣੇ ਦੁਹਾਈ ਰਹਿਣ ਦੇ
ਰਿਹਾ ਨਾ ਯਕੀਨ ਤੇਰੀ ਦਲੀਲ ਉੱਤੇ
ਝੂਠੀ ਮੂਠੀ ਦੀ ਇਹ ਸਫਾਈ ਰਹਿਣ ਦੇ
ਮਾਣ ਨਾ ਜਤਾ ਆਪਣੇ ਪਿਆਰ ਦਾ
ਧੌਣ ਨੀਵੀ ਝੁਕੀ,, ਝੁਕਾਈ ਰਹਿਣ ਦੇ
ਚਾਹੀਦੀ ਨਹੀਂ ਮੈਨੂੰ ਰੌਣਕ ਖੁਸ਼ੀ ਵਾਲੀ
ਚਿਹਰੇ ਤੇ ਸਿਰਫ ਤਨਹਾਈ ਰਹਿਣ ਦੇ
ਕਰ ਨਾ ਰਹਿਮ ਏਦਾਂ ਸਾਥ ਬਣਾ ਕੇ
ਲੇਖਾਂ ਵਿੱਚ ਮੇਰੇ ਹੁਣ ਜੁਦਾਈ ਰਹਿਣ ਦੇ
ਜਜ਼ਬਾਤ ਨਾ ਚਾਹਾ ਫੋਕੇ ਸਕੂਨ ਵਾਲੇ
ਰੂਹ ਮੇਰੀ ਤੜਪੇ ਤੜਪਾਈ ਰਹਿਣ ਦੇ
ਲੈਣਾ ਕੀ ਏ ਜਿੱਤ ਇਤਬਾਰ ਕਿਸੇ ਦਾ
ਰੁਸੀ ਮੇਰੇ ਨਾਲ,,,, ਖੁਦਾਈ ਰਹਿਣ ਦੇ
ਕਹਿਣਾ ਨਹੀਂ ਤੈਨੂੰ ਮੁੜ ਆਪਣਾ ਕਦੇ ਮੈਂ
ਦਿਲ ਵਾਲੀ ਜਿੱਦ ਇਹ ਪੁਗਾਈ ਰਹਿਣ ਦੇ
Wednesday 28 October 2009
Subscribe to:
Post Comments (Atom)
No comments:
Post a Comment